Инновациялық ойлау, тұрақты іс-әрекет жасау

«Болашақ ұрпақтар үшін озық шешімдерді іздеуге ұмтылатын отбасылық бизнес ретінде біз адамдар мен қоршаған орта ресурстарына жауапкершілікпен қарауға міндеттіміз. Біз үшін өз жұмысымыздың және өнімдеріміздің әсерін бағалау — болашағы зор инновацияларды дамытудың ажырамас бөлігі. Тұрақты даму қағидаттары күнделікті қабылдайтын шешімдерімізге ықпал етеді. Біз алдымызда тұрған міндеттерді бірге шешеміз — барлық қызметкерлеріміздің идеялары, тәжірибесі мен күш-жігері арқылы».

Маттиас Лапп, LAPP Holding SE компаниясы Басқарма төрағасы

LAPP — отбасылық компания. Біз ұзақ мерзімді ойлап, жауапкершілікпен әрекет етеміз — өз қызметкерлеріміз, клиенттеріміз, жеткізушілеріміз, қоршаған орта және қоғам үшін. Тұрақты даму біздің жаһандық корпоративтік стратегиямыз бен мәдениетіміздің ажырамас бөлігі болып табылады. Осылайша, біз болашақ ұрпақтардың игілігіне және планетамызды сақтауға елеулі үлес қосамыз.

Біз үшін экономикалық жетістік әрқашан әлеуметтік және экологиялық жауапкершілікпен тығыз байланысты. Тұрақты, қоршаған ортаға ұқыпты басқару және барлық табиғи ресурстарды жауапкершілікпен пайдалану — компаниямыздың шешім қабылдау үдерісіндегі маңызды критерийлер. Бұл ретте адамдар басты рөл атқарады. Біз өз жауапкершілігімізді байыппен қабылдаймыз және өзімізді өмір сүруге қолайлы орта мен қоғамның белсенді бөлігі ретінде қарастырамыз. LAPP компаниясы құрметке және заң талаптарын сақтауға негізделген іскерлік мінез-құлық қағидаттарын қалыптастырып, оларды бүкіл әлем бойынша жүзеге асырады.

Біз болашақ ұрпақтар да өмір сүруге қолайлы планетада өмір сүре алуы үшін компания ретінде жақсы үлгі көрсетуіміз қажет деп сенеміз. Осы мақсатқа сәйкес, LAPP қоршаған орта, өнімдер мен инновациялар, сондай-ақ қызметкерлер мен қоғам бағыттары бойынша алдына ауқымды мақсаттар қойды.

Тұрақты даму — Strategy 2027 стратегиясының бес негізгі мақсатының бірі. Біз стратегиямызда берік бекітілген және барлық бизнес-процестеріміздің ажырамас бөлігі болып табылатын тұрақты даму бағытындағы әрекеттерімізге қатысты келесі маңызды кезеңдерді белгіледік. Бұл көрсеткіштер талаптарға сәйкестігі тұрғысынан тұрақты түрде тексеріліп отырады.

Біз тұрақты даму саласындағы қызметімізді Париж климаттық келісімінің мақсаттарымен және Біріккен Ұлттар Ұйымының 17 Тұрақты даму мақсаттарымен (SDGs) сәйкестендіреміз. Осы он жеті мақсаттың ішінде бесеуі біздің экономикалық, экологиялық және әлеуметтік деңгейлердегі тұрақты бизнес құру бағытындағы жұмысымызға ерекше ықпал етеді:

• Денсаулық және әл-ауқат;
• Лайықты еңбек және экономикалық өсу;
• Индустрия, инновациялар және инфрақұрылым;
• Тұрақты тұтыну және өндіріс;
• Климатты қорғау шаралары.

Жаһандық деңгейде жұмыс істейтін компания ретінде біз Германия мен Еуропа деңгейіндегі нұсқаулықтарды, заңдарды және материалдарға қатысты нормативтік талаптарды, сондай-ақ Америка мен Азиядағы сату және өндіріс аймақтарымызға қойылатын арнайы талаптарды сақтаймыз.

Біз маңызды мәселелерді бағалау (materiality assessment) әдісін пайдалана отырып, қоршаған ортаға, әлеуметтік және экономикалық салаларға қатысты елеулі оң және теріс әсерлері бар процестерді, сондай-ақ тәуекелдер мен мүмкіндіктерді анықтаймыз.

Әртүрлілік хартиясы

Charta der Vielfalt e.V. — жұмыс орындарындағы әртүрлілікті дамытуға бағытталған Германиядағы жұмыс берушілердің ең ірі бастамасы. Бүгінгі таңда 6 000-ға жуық компания мен ұйым Әртүрлілік хартиясына (Diversity Charter) қол қойып, құрметке, теңдікке және алалаушылықсыз еңбек ортасын қалыптастыруға өз міндеттемесін білдірді.

LAPP компаниясы 2022 жылы Charta der Vielfalt (Әртүрлілік хартиясына) қосылды және оның мақсаттарын іске асыруға белсенді түрде қатысады. Соның бір мысалы ретінде компания жыл сайын Әртүрлілік күнін (Diversity Day) өткізеді.

Copper Mark

Copper Mark — мысты жауапты өндіруге арналған әлемдік деңгейде мойындалған стандарт.

Сертификаттау үдерісі аясында Responsible Minerals Initiative (RMI) ұйымының Risk Readiness Assessment бағалауында айқындалған тұрақты даму критерийлері тәуелсіз ұйым тарапынан сыртқы аудиттен өтеді. Бұл критерийлердің қатарында нормативтік талаптарды сақтау (compliance), балалар еңбегіне жол бермеу және еңбек қауіпсіздігін қамтамасыз ету сияқты маңызды бағыттар бар.

LAPP компаниясы 2023 жылдан бастап осы бастаманың қолдаушысы болып табылады және оның түрлі жұмыс топтарының қызметіне белсенді қатысады. Алайда мыс өңдеуші компания ретінде LAPP қазіргі уақытта The Copper Mark сертификатын ала алмайды.

WIN Хартиясы

2023 жылы LAPP компаниясы Баден-Вюртемберг федералдық жерінің тұрақты дамуды басқару жүйесі болып табылатын WIN Хартиясына (WIN-Charta) қосылды.

WIN Хартиясына қатысушы компания ретінде LAPP Хартияның он екі негізгі қағидатын ұстануға міндеттенді және тұрақты дамуды басқару, сондай-ақ алға қойылған мақсаттар мен оларды іске асыру шаралары туралы ақпаратты қамтитын мақсаттар тұжырымдамасын (Target Concept) ұсынды.

2024 жылы LAPP осы шаралардың іске асырылу барысы мен қол жеткізілген нәтижелер туралы мәліметтерді қамтитын WIN Хартиясы бойынша есепті (WIN-Charta Report) жариялады.

JOBLINGE

JOBLINGE e.V. ұйымы бизнес өкілдерінің, мемлекеттік құрылымдардың және еріктілердің күш-жігерін біріктіріп, бастапқы мүмкіндіктері шектеулі жастардың еңбек өміріне қадам басуын жеңілдетуге бағытталған. Ұйымның негізгі мақсаты – жастардың кәсіптік білім алуға және жұмысқа орналасуға тең мүмкіндіктерін кеңейту.

LAPP компаниясының Басқарма төрағасы Маттиас Лапп ұзақ жылдар бойы JOBLINGE e.V. ұйымының қадағалау кеңесінің құрметті мүшесі болып келеді. Сонымен қатар, LAPP қызметкерлері де ерікті ретінде жастарға кәсіптік білім алу және еңбек жолын бастау барысында қолдау көрсетеді.

Kind e.V.

Kind e.V. – отбасы мен мансаптың үйлесімділігін қолдауға бағытталған коммерциялық емес ұйым.

Kind e.V. Stuttgart ұйымын Vaihingen-Möhringen экономикалық және өнеркәсіптік қауымдастығына мүше компаниялар мен олардың қызметкерлер кеңестері құрған. Бастама аясында компаниялар жанындағы балабақшаларда балаларға қауіпсіз әрі қамқор орта ұсынылып, олардың жан-жақты дамуына жағдай жасалады.

Kind e.V. жұмыс пен отбасылық өмірдің үйлесімділігін қолдайтын компаниялармен тығыз ынтымақтастықта жұмыс істейді. LAPP компаниясы бұл қауымдастықтың қызметін көптеген жылдар бойы қолдап келеді.